من سلسلة البروف لتعليم صيانة الموبايل
في عالم التكنولوجيا السريع، وفي وسط الزحام الكبير للمعلومات والدورات،
دايمًا بيظهر سؤال مهم:
“أبدأ منين لو عايز أتعلم صيانة موبايل صح؟”
هل أبدأ أفك أجهزة؟
هل أشتري أدوات غالية؟
هل أحضر كورسات بآلاف الجنيهات؟
ولا أقعد أتفرج على فيديوهات مش بفهم منها غير صوت الموسيقى اللي في الخلفية؟ 
خليني أقولك، وأنت بتقرأ الكلمات دي، إنك وصلت للمكان الصح… لأنك بتبدأ دلوقتي رحلة حقيقية من الصفر للاحتراف، مع
سلسلة البروف لتعليم صيانة الموبايل.
سلسلة مش مجرد معلومات، ولا شوية صور مرمية، ولا فيديوهات منقوصة…
دي سلسلة معمول حسابها حرف بحرف، علشان كل حلقة تكون لبِنة فوق اللي قبلها،
وكل معلومة تبني مستواك واحدة واحدة، زي ما بنتعلم السواقة…
مش بنطلع على الدائري قبل ما نعرف ندوس دبرياج! 
في الحلقات الجايه ان شاء الله،
هندردش ف أبسط وأهم مكونات في عالم الالكترونيات،
الحاجات اللي من غيرها تفضل تمسك البوردة وتبص فيها كأنها طلاسم مكتوبة من كوكب تاني 
هنتعرف على:
• يعني إيه مقاومة؟ وليه ليها ألوان؟
• المكثف ده إيه؟ وبيعمل إيه؟
• الملف؟ الدايود؟ الآيسي؟ الترانزستور؟
كل المكونات اللي موجودة قدامك على البوردة واللي بتسمع عنها ومش فاهمها،
هنشرحها ببساطة، وبلُغة فني واقعي، مش مهندس بيتكلم في مؤتمر
مش هتحتاج تشتري جهاز بألف دولار 
ولا تسافر تاخد كورس ف مكان تاني 
كل اللي عليك تفتّح دماغك، وتبدأ تقرأ معانا
وأنا وعد مني: هوصلك لمستوى تقول فيه “أنا فعلاً فاهم البوردة دي شغالة إزاي”
خليك معانا، لأننا لسه في البداية…
وكل حلقة هتبقى أقوى من اللي قبلها،
ومع كل خطوة هتقرب من هدفك إنك تبقى فني فاهم،
أو حتى تفتح مركز صيانة وتحط عليه يافطه تكتب عليها: 
“البروف درّسني” 
